Դեսպան Տիգրան Մկրտչյանի հանդիպումը Մակեդոնիայի համալսարանի ռեկտոր պրոֆ․ Ստիլիանոս Կատրանիդիսի հետ

15 մարտի, 2022

Հունաստանում ՀՀ դեսպան Տիգրան Մկրտչյանը հանդիպեց Մակեդոնիայի համալսարանի ռեկտոր պրոֆ․ Ստիլիանոս Կատրանիդիսին։

Հանդիպման ընթացքում դեսպան Մկրտչյանը ներկայացրեց ՀՀ դեսպանության գործունեության հիմնական ուղղությունները, կրթական, մշակութային ոլորտներում իրականացվող միջոցառումները, հայ-հունական հարաբերությունների ներկա բարձր մակարդակը։

Կողմերը քննարկեցին Մակեդոնիայի համալսարանում հայագիտության ծրագրի հաստատման հաստատման հնարավորությունները՝ պայմանավորվածություն ձեռք բերելով առաջիկայում այս ուղղությամբ կոնկրետ քայլեր ձեռնարկել և աշխատանքներ տանել համատեղ գործողությունների ծրագրի ու դրա իրականացման մեխանիզմների կազմման ուղղությամբ։ Ռեկտոր Կատրանիդիսը նշեց, որ ոչ վաղ անցյալում Սալոնիկի հայ համայնքի աջակցությամբ գործել է հայոց լեզվի դասավանդման եզակի ծրագիր, որի վերականգնումով հնարավոր է վերաբացել հակագիտության էջը իրենց համալսարանում։

Միաժամանակ քննարկվեցին հայկական ակադեմիական և երաժշտական բուհերի հետ հարաբերություններ հաստատելու հեռանկարները։

Հանդիպման ավարտին դեսպան Մկրտչյանը Մակեդոնիայի համալսարանի գրադարանին նվիրեց Հայաստանի պատմությանը վերաբերող գրքեր։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր